கதையொன்று

நகரெங்கும் கோரப்பசியுடன்

திரியும் என் கற்பனைக் குதிரை

எதிர்படும் யாவரையும்

தன் கதையின் மாந்தராக

உள்வாங்கி மென்று சரிவராது

போக பின்பு துப்புகிறது.

வெறிச்சோடிப் போன

அங்காடித்தெரு வழி நடக்கையில்

ஒரு வளையல்கடைக்கு

அடையாளம் காட்டித் தொங்கும்

இரசக்கண்ணாடி முன் நின்று

முகம் பார்த்து மெல்லத்

தொடங்குகிறது தன் கதையை.

-சோமா (Thanks to Kanavu, Oct 2012)