என்னுடைய சுற்றுப் பயணத்தை , அனுபவங்களை பயணக் கட்டுரைகளாக நான் எழுதுவது கடினம். ஏனெனில் அதில் "நான்" "என்னுடைய" என்கிற அம்சத்தை தவிர்க்க முடியவில்லை. அதனால் என்னால் பயணக் கட்டுரை எழுத முடியாது - முன்னாள் ஜனசங்கத் தலைவர் தீன்தயாள் உபாத்யாயா.

Friday, 27 July 2012

காற்றின் மரணம்

வல்லிய நரம்பசைவில்
சேதமுற்று அழும்
பெருங்குரல்-பறையடித்த
அதிர்வை உள்வாங்கி
புடைக்கும் காயத்தின் கதறல்
சுதந்திரத்தைப் பறித்து
ஒரு குழலுக்குள்
அடிமைப்பட்டு அழும் ஆழம்
பெரும் நுகர்தலின்
களிப்பில் சாலைக்கரிமக்
கரைகளைச் செரித்து
மூச்சுக்குழாய் வழி
நுரையீரல் ஆலை சென்று
முகத்தில் கரிமத்தைப்
பூசிக்கொள்கிற நிமிடமென
மரணத்தின் ஓலத்தை ஓயாது
சுமந்து கொண்டு
பயணிக்கிறது காற்று. 

-சோமா (Thanks to "Varppu"-July 2012)

No comments:

Post a Comment